Nabarmentzeko entzierroa

Adarkadarik ez eta ospitaleratutako bost kolpatu El Pilarren entzierro garbi eta azkarrean (2:22)

Argazkia: Jokin Lizarraga

Lasterketa oso bizkorra El Pilar salamancar ganadutegiarena. Zezenek joaldunei aurrea hartu diete Santo Domingo aldaparen erdian eta lasterketari erritmo izugarri bizkorra ezarri diote, sutsuki jokatuz eta gaurko lasterketan parte hartu duten korrikalari ugariari ia eraso imintziorik egin gabe. Entzierro garbia izan da eta da adarkatutako lasterkaririk izan.

Zezen-saldoa ia entzierroaren hasieratik sakabanatu egin da. Zezenek entzierroa gidatu dute, joaldunak atzean utzita eta taldea luzatuz joan da ibilbidearen tarte guztietan. Horren ondorioz lasterkariek hutsuneak aurkitzeko aukera izan dute, lasterketa ikusgarrietan parte hartuz, Mercaderes eta Estafetan batez ere.

Zezen gorrixka bat Estafeta kalean aurreratuz joan da eta zezen-plazan lehena sartzen izan da, bere anaietako lau jarraian zituela, azken zezena joaldunekin batera sartu egin da, honela 2:22an lasterketa burutuz.