Argazkia: Luis Azanza
Laugarren entzierroa, Miura ganadutegi mitikoko zezenekin. Hori da, hain zuzen ere, Sanferminetako ganadutegirik beteranoena. Lasterketa bizkorra (2:29) eta zirraragarria izan da, Estafetan, Telefónican eta kailejoian lasterkari asko harrapatu dituzte eta erori dira ibilbide osoan zehar egon den korrikalari kopuruagatik.
Zezen-taldeak azkar egin du korrika ibilbide osoan eta zezen beltz bat izan du buru Santo Domingoren bukaeratik. Mercaderesen zezen batzuek irrist egin dute, baina abiadura handian jarraitu dute, eta, Estafetan, askok behaztopa egin duten arren eta lasterkari ugari harrapatu eta erori diren arren, lasterketa politak ikusi dira, zezen-taldea luzatuz joan baita eta hiru taldetan egin baitu korrika. Zezenek, ohi bezala, prestutasunez jokatu dute eta eraso-keinurik egin gabe.
Hiru zezenek taldea gidatu du, joaldunez inguratuta, eta gaztaina-koloreko zezen bat metro batzuk atzerago zihoan, atzean azkenekoak zeramatzala. Ordena horretan sartu dira zezen-plazara, eta, zezenetako bat biratu den arren, dobladoreen laguntzarekin zezentokira sartuz joan dira, aurka egin gabe.
