Uztailaren 7ko goizean, Iruñeko kaleetan zehar ibiltzeak ia edozer gauza aurkitzeko parada ematen du. Askok ia 24 orduko festaren ondoren atseden bila etxeratu dira, beste batzuk parkeetara lo egitera joan dira edo etxerako bidean topatzen duten edozein tabernatan gosaldu dute, goiztiarrenak entzierrora joateko prestatu dira eta familiak prozesioa ikusteko tokirik egokienaren bila ibili dira.
Aldea erabatekoa da: arropa zuri lisatu berria eta ardo usaineko arropa arrosakoaren artekoa, emozioz betetako begi distiratsuak eta eguzkitako betaurrekoen atzean ezkutatzen direnen artekoa, ezezagun batekin parke bateko lurrean izandako zirri zoroak edo eskutik helduta paseatzen dutenen aiton-amonen artekoa. Guztiak du lekua Sanferminetan.
Goizeko lehen orduetan, Sanferminetako era guztietako jendilajea elkarrekin bizi da nahasketa interesgarri eta aberasgarrian, non bakoitzak festan bere lekua bilatzen baitu: ohea, santua, ardoa, zezena, hamarretakoa…
Uztailaren 7ko argazki gehiago
