Sanferminetan gauez bizitzen da batez ere. Askok hasten dute eguna bazkaltzeko orduan eta pixkanaka pixkanaka esnatzen dira telebistan ikusiaz Frantziako Tourra.

Gero hasten da zezenketarako prestaketa. Zezenketa (6.30) da jende askorentzat benetako hasiera egunarentzat.

Peñak plazatik atera eta afal ordura bitartean, ordu tonto batzuk daude. Zenbait aktotan kuskuseatuz beteko dituzu:

 

 

 

 

 

21.00 Bederatzietan, Plazalkastilloko kioskoan euskal herri musika jotzen dute, txistu eta gaita. Jendeak behean dantza egiten du. Giro gustagarri eta probintzianoa. Moxkortuta ba zaude, kasu: komentzituko zaituzte "Larraindantza" dantzatzeko, joaldiaren erregina baita, izugarri luzea eta izugarri konplikatua; berdin da, inork ez dizu kasurik egingo.

22.00 Hamarretan, zezensuzkoa egiten da umeentzat Estafetan eta Mercaderes kaleetattik. Zezen itxurako tramankulua kalea gora eta behera dabil petardoak, suziriak eta sugarrak boteaz.

23.00 Hamaiketansu artifizialak hasten dira ziudadelan. Merezi du ikustea.

Afaldu ondoren, aukera duzu: edo Sanfermineko parranda alkoholikoari ekin, edo ikuskizunen bat ikustera joan edo berbena batera edo barraketara. Edo, baitare, denetatik egin, gau guztian zehar.

Libre duzu barrenak agintzen dizun guztia egitea, gorputzak alto esan edo argia hasi eta dianen soinua entzuten hasi arte. Orduan tenorea da entzierroa ikustera, edo bertan parte hartzera joateko.