|
Iruñea, 1999ko uztailaren 13a
99ko Zezen Feriako azkeneko
zezenketa. Ganadutegia: Pedro eta Veronica Gutiérrez Lorenzoren bost zezen eta Carmen
Lorenzorena seigarrena. Orokorrean makal samar aritu ziren. César Rincón:
isilunea lehenengoarekin eta belarri bat eta beste baten eskaera laugarrenarekin. Enrique
Ponce: isilunea bere lehenean eta bi belarri eta entzierroko atetik irteera
arratsaldeko bosgarrenarekin. Pepín Liria: belarria eta txaloak jaso
zituen.
Atzo ospatutako 99ko Zezen Feriako azkeneko zezenketa Sanferminetako
hoberenetarikoa izan zen. Toreatzaileek ikuskizuna eskaini eta horren ordainez sariak jaso
zituzten eta Gutiérrez Lorenzoren zezenak, makal samar aritu arren, lan egiteko aukera
eskaini zieten toreatzaileei. Urtebetez Iruñera etorri gabe egon ondoren, César Rincón
toreatzaile kolonbiarrak piskanaka piskanaka forma errekuperatzen ari dela erakutsi zuen
eta oraindik ere kalitatezko toreatzailea dela ikusi zen: belarri bat moztu eta bigarrena
lortzeko ere gutxi falta izan zitzaion. Enrique Ponce ez zen batere fin ibili bere
lehenengo zezenarekin , baina laugarrenarekin bi belarri eta entzierroko atetik irtetea
lortu zuen. José Tomás toreatzaileak ezin izan zuen azkenean parte hartu eta haren
ordez, Pepín Liria aritu zen. Ikuslegoa animatzeaz gain, belarri bat eta jendearen
eskuzartak jaso zituen. Heldu den urtean gehiago.
Jakingai praktikoak
| Programa ofiziala
Galeria | Denda | Aurkibidea | Hasiera
© Kukuxumusu
|
