|
Iruñea, 1999ko uztailaren 13a
99ko Zezen Feriako zazpigarren zezenketa. Ganadutegia:
Guadalest (Huelva), zezen motelak eta arrazarik gabekoak. Juan Antonio Ruiz
Espartaco: isilunea eta agurrak arratsaldeko laugarrenarekin. Rivera
Ordoñez: eskuzartak bere lehenengoarekin eta txistuak bostgarrenarekin. José
Tomás: txaloak bere lehen zezenarekin eta agurreko txaloaldia ere zezenketako
azkenekoarekin.
Aldez aurretik feriako zezenketarik erakargarriena zirudien arren,
Guadalest ganadutegiak ekarri zituen zezenen itxura ez zen batere ona izan eta
toreatzaileek ere ez zuten jakin nola aurre egin eta arratsaldea bizitasunik gabekoa izan
zen. Juan Antonio Ruiz Espartaco bost urteren ostean azaldu zen berriro ere Iruñeko
plazara, belaunean izandako zauria dela eta, eta beste munduko ezer egin ez zuen arren,
itxuroso aritu zen. Rivera Ordonez berriro ere makal samar aritu zen eta oraindik ere
forma onean egoteko asko falta zaiola erakutsi zuen. Bere lehenengo zezenarekin jendearen
eskuzartak jaso zituen, baina hiltzerako orduan gaizki aritu zen eta ikusleen txistuak
entzun zituen. José Tomás arratsaldeko onena izan zen eta jendearen txaloak jaso zituen
bere bi zezenekin. Belarri bana lortzekotan egon zen, baina zorte txarra izan zuen
ezpatarekin eta saririk gabe gelditu zen.
Jakingai praktikoak
| Programa ofiziala
Galeria | Denda | Aurkibidea | Hasiera
© Kukuxumusu
|
