|
Iaz egin zuten
moduan, aurten ere Sanferminetan izaten diren entzierroak kopiatu nahaian, Nevadako (EEBB)
Mesquite hirian lau entzierro antolatu zituzten uztailaren 10 eta 11an. Milaka lagun bildu
zen Mesquiteko karriketan entzierroa gertutik ikusi asmoz. Parte hartu nahi izan zuten
korrikalariek 13.000 pezeta inguru pagatu behar izan zituzten entzierro bakar batean
lasterka egiteagatik.
Egitaraua egun bat lehenago, uztailaren 9an, hasi zen, partehartzaileen
izen ematearekin eta ondoren egin ziren zezenen inguruko hainbat ikuskizun eta
erakustaldirekin. Entzierroak, erran bezala, uztailaren 10 eta 11an bideratu ziren, bi
eguneko; lehenengoa goizeko 9etan eta bigarrena ordubete beranduago. Jasotako harrera ona
dela eta, antolatzaileek partehartzaile kopurua ere mugatu zuten, entzierro bakoitzeko 500
lagun onartuz. Zenbait korrikalarik Iruñeko Sanferminetan ohikoak diren jantziak, arropa
txuriak eta zapi eta gerriko gorriak, eramaten zituzten.
Jakingai praktikoak
| Programa ofiziala
Galeria | Denda | Aurkibidea | Hasiera
© Kukuxumusu
|
