Juan Pedro Lecuona korrikalari nafarra sanferminetako lasterketarik ikusgarri eta luzeenetako baten protagonista izan da. Gorputz ahalmen ikaragarri bat erakutsiz, Osborne zezenen aurrean 200 metroz aritzeko gaitasuna agertu du.

Lecuona –elastiko gorriarekin jantzita- Estafeta eta Tejeria karriken arteko bidegurutzea baino pixka bat lehenago hasi da lasterka. Hortik, zezenek bera harrapatzen utzi ditu eta Telefónicara iritsi aitzin, tarte bat aurkitu du elkarrekin joaten ziren bost zezenen adarren aurrean.

Telefónicatik zezen plazara ez da zezenengandik hiru metro baino gehiagora bereizi eta indarra izan du zezen plazan sartu eta diametroaren erdialderaino ere korrika egiteko. Gero alde batera egin eta animaliei zezendegira sartzen utzi die.

Lasterketa osoaren grafikoarekin batera, argazki segidak, Telefónicako ohiko korrikalaria den Lecuonaren unerik onenak erakusten ditu. Osbornetarrekin batera, zalantzarik gabe bere entzierro onenetariko batetaz gozatzeko aukera izan du.

Grafikoa eta argazkiak: Google Earth, Xabier Lizarraga, Juan Ignacio Delgado, Iosu Pezonaga, José Antonio Pérez, Luis Azanza eta Ana Villanueva.