Aurten sanfermin.com orrialdeak, irudiz hornituriko entzierroaren kronikez gain, argazki galeria aparta eskaintzen du, festetara urtez urte etorritako 25 erreportari sonatuk utzitako mila bat irudiz osaturikoa. Argazkiak –estilo eta garai anitzetakoak, kolorean nahiz zuri-beltzean– hainbat gari lotzen zaizkie, hala nola entzierroari, zezenketari, kaleari, konpartsari, prozesioari eta txupinazoari.
Urtero bezala, web orrialdean festetan zehar gertatzen diren nobedade guztien berri izaten ahalko da eta eskura izanen da iritsi berri eta despistaturik dabiltzanentzako gida –3,5 miloi bisitari azken urtean–, zeinean ez den faltako sanferminetatik detailerik galdu gabe pasatzeko aholku mordoa.