Iruñea

Iruñea hiri aski arrunta da, ez oso handia (198.000 bizilagun) ez oso ttikia ere, Piriniotatik 50 bat kilometrora, sartaldeko muturrean.

Sanferminik ez balu, oharkabean pasako litzateke: ez da bereziki ederra, ez bereziki itsusia, baina bai franko atsegina. Berdegune mordoa ditu -sanferminetan ostatu debaldekoa izaten dira-, distantziak oso laburrak dira -edonora oinez joateko modukoa-, hornikuntza onak ditu (nahiz beharbada kultur kontuan erren antza dabilen), bi unibertsitate ditu (beno hiru UNEDekoa kontuan hartuta): bat pribatua eta bestea publikoa, eta gainera, jakina, sanferminak ditu, zera, ez da txori kaka.

Labur: franko toki ona bizitzeko. Eta sanferminetan etortzen bazara, uztailaren 6tik 14ra bitartean, toki ezin hobea primeran pasatzeko. Urtean zehar hiriak bizi duen lasaitasunak eromenari paso ematen dio sanferminetan.

• . < Sanfermin
• 3 / 7
• Festa karrikan dago >.