Gutxiago geratzen da ...
Gutxiago geratzen da ...
José Luis Molins. Sanfermines, 204 horas de fiesta gidatik hartua
Tradizioak dioenez, Honesto apaiza, San Saturninok bidalita, erromatarren garaiko Iruñera etorri zen ebangelioa ezagutzera emateko xedez eta Firmo senataria kristautasunera bihurtu zen, baita bere familia osoa ere. Honestok hezi zuen haren seme Fermin, eta berau, hamazazpi urte zituela, inguruetan predikatzen hasi zen. Geroago, hogeita lau urte zituela, Honoratok, Akitaniako Tolosako prelatuak, apezpiku izendatu zuen.
Hogeita hamaika urte zituela, Ferminek Galietara alde egin zuen ebangelioa predikatzera: hasiera batean, Akitania, Auvernia eta Anjoun, geroago, Amiensen, non hainbat jende bihurtu baitzuen eta, azkenik, kartzelatu eta gero, lepo egin zioten eta, martirioa pairatu baitzuen, irailaren hogeita bostean, hain zuzen ere.
Haren gorpua, zenbait kristauk isilpean lurperatua, mende batzuk geroago agertu zen mirari gisa, 615. urteko urtarrilaren hamahiruan, San Salvioren apezpikutzan, eta hurbil zen hirira eraman zuten. Santuaren gorpuzkinak gordetzen dituen katedralaren aldare atzean landuriko XV. mendeko erliebe gotiko bikainetan ikusten ahal da istorio hori.
© Larrión y Pimoulier Editores
