"Eguneko/Gaueko" kamisetaren urtea izan zen. Aurreko aldean entzierroa ikusten zen (batzuek esaten zuten zezenek labezomorroak ziruditela), hartaz, Sanferminak egunez irudikatzen ziren. Atzeko aldean, bizkarrean, Gaztelu Plazako gau eszena bat ikusten ahal zen: musuak, musuak baino gehixeago, kopak, musika eta pixa parrastadaren bat. Kamiseta bi aldeetatik estanpatua izateak arrakasta handia izan zuen.
Urte hartan beste kamiseta bat ere egin genuen. Entzierroaren ikuspegi larri samarra irudikatzen zuen.