Haurrentzako ikuskizunak

Goizez eta arratsaldez Conde Rodezno Plazan biltzen dira haurrentzako ikuskizunak, euskaraz eta gaztelaniaz, erraldoien eta buruhandien eguneroko irteeraz gain

Sanferminetan haurrentzako programazioa 9:30etan hasten da egunero erraldoien eta buruhandien irteerarekin autobus geltokitik. Ohikoa da erraldoiei jarraitzea edota haien ibilbidean haiekin topo egitea. Zezen Plazan, 10:45ean, bi egunetan behin, haurrentzat egokituriko zezen ikuskizunak egiten dira, esate baterako zezenketa eusko-landetarra.

Gurutze plazan, goizeko 11:30ean eta arratsaldeko 18:00etan ¡Menudas Fiestas! zabaltzen da, umeentzako euskarazko eta gaztelaniazko ikuskizun eta emanaldiekin. Foruen Plazan, uztailaren 6a eta 7a salbu, egunero 12:00etan hasten diren Herri Kiroletako erakustaldietara haur ugari gerturatu ohi da.

Sanferminetan ohikoa da haurrak gero plazan zezenak biltzen dituzten mandoxken gainera igotzea. Pizti hauek egunero Udaletxetik Plazaraino doaz desfilean La Pamplonesa udal bandarekin 17:30ean abiatuta.

Haurrentzako azken ekitaldia 22:00etan da. Zezensuzkoa, txinpartak eta petardoak jaurtitzen dituen zezen itxurako tramankulua, haurren bataioa izaten da entzierroei dagokionez. Udal plazaren ingurua korritzen du.

• . < Ganadu feria
• 3 / 8
• Gaueko ikuskizunak >.