San Nikolas

San Nikolas, San Gregorio, Comedias eta ingurukoetan (Lindatxikia, Kale berria,e.a.) metro karratuko taberna kontzentraziorik handiena aurkitzen da. Inguruetan badira, esateko, Baserri, Burgalés, Ulzama, Otano edo Anaitasuna.

Urte osoan zehar zonalde honetan unibertsitateko jendea ibiltzen da batik bat (hiru unibertsitate dago Iruñean), oso jende gaztea gauez, nahiz eta ordu batzuk lehenago, arratsalde-gau partean, nahasketa berezia ematen den: batetik haurrekin buelta bat eman eta pintxo eta pote bat hartzera doazen familiak eta bertzetik gaueko lehenengo poteak hartzen hasten diren parranderoak. Sanferminetan, arestian aipatu bezala, gauzak aldatu egiten dira eta mota guztietako jendea ikusiko duzu hemen; gainera, kontuan hartuta ia gehientsuenak txuri eta gorriz joaten direla, ez da diferentziarik somatzen.

Indatxikia kalean (espainolez "Lindachiquia" esaten zaiona) Catachu dago. Bertan ospatzen du Kukuxumusuk zenbait ekitaldi eta festa. Bazkariak eta afariak ematen dituzte eta oso giro polita izaten da.